Instituti Hidrometeorologjik i Kosovës (IHMK), në parashikimin e motit për pesë ditët e ardhshme, thotë se gjatë këtij vikendi mbi vendin tonë do të mbajë mot me diell dhe vranësira të pjesshme.

Kurse gjatë javës së ardhshme parashikon rikthimin e motit me shi.

Mot me diell dhe vranësira të pjesshme do të na shoqëroj gjatë këtyre dy ditëve të vikendit, thuhet në njoftimin e IHMK-së.

Sipas Institutit, vlerat minimale të temperaturave do të lëvizin ndërmjet -2 deri 1 gradë Celsius, kurse maksimalet e ditës do të lëvizin ndërmjet 11-13 gradë Celsius.

“Do të fryje erë nga ana e verilindjes dhe jugperëndimit me shpejtësi 1-7m/s. Reshje shiu parashihet të ketë javën e ardhshme.”/Insajderi.com