Kamala Harris humbi mundësinë e saj për t’u bërë liderja e parë grua e Amerikës, pasi rivali i saj republikan Donald Trump arriti një fitore vendimtare në zgjedhjet presidenciale në SHBA.

Zëvendëspresidentja nuk ka folur ende, pavarësisht se u bë e qartë të mërkurën në mëngjes se Trump kishte siguruar fitore në disa shtete kyçe.

Harris anuloi paraqitjen e saj të planifikuar në mbrëmjen e zgjedhjeve në Universitetin Howard në Uashington DC, ku ajo ishte një studente, pasi Trump fitoi vrull pasi rezultatet e hershme filluan të dilnin, raporton BBC.

Republikani fitoi shtetet kryesore të fushëbetejës – duke grumbulluar fitore në Pensilvani, Karolinën e Veriut dhe Ëisconsin – duke marrë 279 vota elektorale ndaj 223. Rezultatet për disa shtete ende nuk janë shpallur.

Parashikimet e hershme zbuluan mjaft shpejt se shtetet kyçe të fushëbetejës, të cilat ishin kthyer tek demokratët në zgjedhjet e vitit 2020, do të fitoheshin përsëri nga Trump. Ai mundi Hillary Clinton në vitin 2016 duke shkatërruar të ashtuquajturin “Muri Blu” nga demokratët në Michigan, Pensilvani dhe Ëisconsin.

Siç pritej, Trump u ‘vërsul’ drejt fitores në bastionet konservatore në të gjithë SHBA-në, ndërsa Harris fitoi shtete liberale nga Nju Jorku në Kaliforni.

Por fushata e saj 15-javore dështoi të merrte mjaftueshëm mbështetje për të mposhtur Trump në të gjithë vendin – me të dhënat e hershme të sondazheve të daljes që tregonin se fushata e saj, e cila kishte përfshirë fokusin në të drejtat e abortit, nuk arriti të rezononte.

Demokratja nuk ka dhënë ende ndonjë koment, por pritet të flasë më vonë të mërkurën. Një këshilltar i lartë i Trump i tha partnerit amerikan të BBC-së CBS se ata prisnin që Harris të thërriste presidentin e zgjedhur për të pranuar humbjen – gjë që Trump refuzoi ta bënte në vitin 2020.

Zëvendëspresidentja duhej t’u drejtohej mbështetësve të martën mbrëma, por bashkëkryetari e fushatës Cedric Richmond njoftoi pak pas mesnate se ajo nuk do të merrte pjesë.

“Ende ka vota për të numëruar”, kishte thënë ajo në atë kohë.

Në selinë e Harris, mbledhësja e fondeve demokrate Lindy Li i tha BBC-së se disponimi ishte “shumë i zymtë tani”.