Pjesëtarët e Policisë së Kosovës nga komuniteti serb ditën e djeshme dorëzuan zyrtarisht dorëheqjet në stacionet policore në veri.

Si rezultat i kësaj situate të krijuar, shumë ish-policë që për arsye të ndryshme lanë këtë profesion, po lajmërohen vullnetarisht që të rikthehen në uniformën e shtetit.

Në mesin e tyre është edhe Isuf Brahimi, ish-zyrat policor nga Mitrovica.

Brahimi përmes një postimi në rrjetin socia, facebook i ka bërë ftesë publike presidentes Vjosa Osmani, kryeministrit Albin Kurti, ministrit të Brendshëm, Xhelal Sveçla dhe drejtorit të PK-së, Fehmi Hoti që të mundësojnë kthimin e tij në Policinë e Kosovës.

“Për shkak të gjendjes së krijuar në institucionet  gjegjësisht në Policinë e Kosovës nga zyrtarët serb të cilët bojkotuan punën, kërkoj nga drejtuesit e institucioneve tona përgjegjëse që të na mundësohet rikthimi në Policinë e Kosovës që ta japim kontributin tonë aty ku shërbeva për shumë vite!”, ka shkruar Brahimi.