Aleanca për Ardhmërinë e Kosovës (AAK) ka zyrtarizuar Bashkim Budakovën si kandidat për kryetar të Komunës së Lipjanit, pas tërheqjes së Ilir Tashollit nga kandidatura.

Para dy ditësh, Tasholli bëri të ditur vendimin përmes një postimi në Facebook, duke deklaruar se tërheqja ka ardhur për arsye objektive dhe pas një reflektimi të thellë personal.

AAK-ja njoftoi se Bashkim Budakova, “një emër i njohur në fushën e arsimit dhe përfaqësimit qytetar”, do të jetë kandidati i ri për Lipjanin.

Sipas partisë, Budakova gëzon reputacion për integritet, afërsi me komunitetin dhe përkushtim ndaj interesit publik.

“Ai vlerësohet si një udhëheqës me vizion të qartë për zhvillimin e komunës dhe për ndërtimin e një qeverisjeje të ndershme dhe përgjegjëse”, thuhet në njoftimin e AAK-së.

Ndërkohë, në Komunën e Shtimes, Aleanca ka nominuar Ramë Bislimin si kandidat për kryetar. Bislimi, i cilësuar si figurë e respektuar nga qytetarët, “është i njohur për maturi, ndershmëri dhe lidership natyral”.

Me këto dy kandidatura, AAK-ja ka përmbyllur nominimet për zgjedhjet lokale.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!