Pas tragjedisë në një diskotekë në Maqedoninë e Veriut, ku zjarri la të lënduar dhjetëra persona, Kosova ka filluar inspektime të rrepta në bizneset me frekuentim të lartë të qytetarëve për të verifikuar respektimin e masave të mbrojtjes nga zjarri, shkruan Insajderi.

Ministri i Brendshëm, Xhelal Sveçla, ka bërë të ditur se inspektimet kanë nisur në Prishtinë dhe Pejë, ndërsa do të vazhdojnë në gjithë vendin.

“Me urdhëresën time, prej dy ditësh Agjencioni i Menaxhimit të Emergjencave me mbështetjen e Policisë së Kosovës ka filluar me inspektime në subjekte afariste ku ka frekuentim të lartë të qytetarëve, me qëllim të monitorimit të respektimit të masave parandaluese të mbrojtjes nga zjarri“, shkroi ai.

Sipas tij, disa biznese nuk i kanë përmbushur standardet e sigurisë, për çka u është dhënë një afat për të përmirësuar kushtet.

“Në rast të mosrespektimit të masave të sigurisë, do të ndërmerren masa të menjëhershme dhe pa asnjë kompromis”, ka paralajmëruar Sveçla.

Ai ka theksuar se mbrojtja e jetës së qytetarëve është prioritet.

“Mbrojtja e jetës së qytetarëve është prioritet dhe nuk do lejojmë të rrezikohet në asnjë formë”.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!