Pas vendimit të gjykatës për të dënuar Adriatik Llallën me dy vjet burg, shumë gazetarë janë shfaqur para derës së shtëpisë së tij pranë rrugës së Elbasanit në Tiranë.

Por kjo duket se nuk iu ka pëlqyer familjarëve. Kamera fiksoi edhe momentin kur bashkëshortja e ish-kryeprokurorit mbërriti në shtëpi. Teksa futej brenda, ajo u nxori gishtin e mesit gazetarëve , si për t’i treguar që ta lënë të qetë.

Forca të shumta policie shkuan në banesën e ish-kryeprokurorit për ta arrestuar, por u larguan pasi nuk e gjetën ish-kryeprokurorin.

Adriatik Llalla u dënua sot me vendim të formës së prerë me 2 vite burg dhe 5 vite përjashtim nga funksionet publike nga Apeli i Gjykatës së Posaçme kundër korrupsionit.