Martin Shkreli, i cilësuar si “njëri nga shqiptarët më të urryer në Shtetet e Bashkuara të Amerikës”, pasi bleu një ilaç jetik për të sëmurët me HIV-Aids dhe e rriti çmimin 5 mijë herë më shumë, është rikthyer sërish në qendër të vëmendjes.

Bëhet fjalë për një “thesar” të rrallë dhe historik që ai posedon. Një dorëshkrim i Isaac Newton, një letër e nënshkruar  nga Charles Darwin dhe një makinë antike Enigma, që përdorej kryesisht nga Gjermania naziste për të dëshifruar komunikimet ushtarake.

Gjithashtu në tryezën e zyrës së tij u gjetën: “Stacked” – fotografi e skulpturës së Jeff Koons e vitit 2003; litografia origjinale nga Joan Miro; letra origjinale e nënshkruar nga kontesha Augusta Ada e një skulpturë nga Dustin Yellin.

Këto artifakte mund të bien shumë shpejt në dorën e Departamentit të Taksave dhe Financave të Nju-Jorkut, pasi Shkreli i ka borxh shtetit mbi 2,8 milionë dollarë nga evazioni fiskal.

Gjyqi i radhës për Shkrelin është lënë për në qershor të 2017-s. /Insajderi.com