Deputeti i Lëvizjes Vetëvendosje, Artan Abrashi, ka thënë se përgjegjësia për stadiumin “Fadil Vokrri” është e Komunës së Prishtinës.

Në ndeshjen e Kosovës kundër izraelit në futboll është vënë kritikuar cilësia e fushës në stadiumin “Fadil Vokrri”, që ishte e mbuluar me baltë.

Por Komuna e Prishtinës ka thënë se mirëmbajtja e saj është përgjegjësi e Federatës së Futbollit të Kosovës (FFK).

Kështu, deputeti i VV-së thotë se Prishtina e ka një kryetar “joserioz”, duke e kritikuar edhe për çështjen e stadiumit.

”Prishtina sot ka një kryetar joserioz dhe të paaftë. Dy vitet e tij në krye të komunës mund të përmbledhen në një fjali: përvetëso punën e të tjerëve dhe fajëso të tjerët për dështimet e tua. Me akuzën e sotme ndaj FFK-së paturpësia e tij merr një dimension të ri. Por, shënon edhe fillimin e fundit të tij”.

“Politika sharllatane prodhon pasoja për qytetarët. Tipar dallues i sharllatanëve është se hyjnë furishëm në politikë, por me të njëjtën shpejtësi edhe dalin. Drita e reflektorëve dhe filterat e kamerës nuk mjaftojnë. Realiteti virtual me efekte speciale nuk prodhon zgjidhje për problemet e përditshme të qytetarëve, nga bërllogu te qentë endacakë, trafiku dhe plot të tjera”, ka thën Abrashi duke kritikuar kështu Përparim Ramën.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur