Partia Demokratike e Kosovës pas përleshjes në Kuvendin e Kosovës ka reaguar duke thënë se dënojn ashpër sulmin e zëvendëskryeministrit Bislimi ndaj deputetëve.

“Sikur të mos u mjaftonte fyerja që i bënë shtetit të Kosovës, veteranëve të UÇK-së, akterëve politik shqiptarë, popullit të Kosovës, para shërbëtorëve të Radojçiqit, sot, në Kuvendin e Kosovës, zëvendëskryeministri Besnik Bislimi në vend që të ndihej i turpëruar dhe të jepte llogari për përgjimet, provokoi opozitën duke i hequr fotografinë që ata i vendosën në foltore”, shkruan PDK.

Sipas PDK-së ishte zëvëndëskryeministri Bislimi i cili i pari e goditi me mjete të forta, shishe, deputetin Mërgim Lushtaku.

Tutje ata kanë thënë se në momentin kur Kryetari i Kuvendit u desh që të reagojë dhe të mos e lejoj atë që të ndodhë, ai u bëri thirrje Policisë së Kosovës që të ndërhyjnë dhe të arrestojnë deputetët e opozitës.

Mes tjerash PDK ka thënë se futja e Policisë së Kosovës në Kuvend nuk është lejuar të ndodhë as në momentin më të errët në historinë e Kuvendit të Kosovës, kur Lëvizja Vetëvendosje hidhte gaz lotsjellës dhe rrezikonte jetën e deputetëve.

IN Promo Marketing

 Eksperienca e blerjeve online arrin në Slloveni!

Rezervo sot dhe shijo fluturimet më të volitshme nga Gjeneva drejt Prishtinës

Furnizohu sot, dhuro shpresë nesër