Kryetari i Zveçanit, Ilir Peci ka dënuar sulmin e mbrëmshëm në objektin e kësaj komune.

Peci në llogarinë e tij në Facebook ka publikuar edhe fotografi nga dëmet materiale që janë shkaktuar si pasojë e sulmit me granatë dore atje.

“Mbrëmjen e djeshme, rreth orës 23:45, disa individë të paidentifikuar kanë kryer një sulm ndaj objektit të Komunës së Zveçanit me granata dore. Ky akt i dhunshëm ka shkaktuar dëme materiale, por fatmirësisht nuk ka pasur të lënduar”.

“Si Kryetar i Komunës, unë e dënoj fuqishëm këtë akt të papranueshëm të dhunës dhe terrorit ku para dy dite ka ndodhur i njëjti sulm në stacionin policor të Komunës së Zveçanit”, tha ai.