Pas zhvillimeve të fundit në kryesinë e PDK’së, Ramiz Lladrovci, kryetar aktual i komunës së Drenasit dhe një nga figurat më të njohura të PDK-së në këtë komunë, ka njoftuar krijimin e një subjekti të ri politik me emrin “Për Drenasin Kampion me Ramiz Lladrovcin”.

“Duke marrë shkas nga zhvillimet e fundit në Kryesinë e Partisë Demokratike të Kosovës, Paralajmërimet e hershme për rezultatet e votimit nga disa krerë të lartë të PDK-së, Mungesën e përgjegjësisë dhe integritetit në vendimmarrje, lidhur me të ardhmen e bastionit të UÇK-së dhe PDK-së në Drenas, Mungesa e vendimit të drejtë dhe të arsyeshëm lidhur me nominimin e kandidaturës për zgjedhjet lokale të 12 Tetorit në Drenas”.

Subjekti i ri do të garojë vetëm në zgjedhjet lokale për kryetar dhe asamble komunale, me qëllim mbrojtjen e interesit qytetar dhe qeverisjen e mirë lokale pa korrupsion dhe ndikime të jashtme.

“Subjekti ri do të garojë vetëm në zgjedhjet komunale për asamble dhe kryetar, me besimin se qytetarët e Drenasit do të vazhdojnë ta duan qeverisjen e mirë, pa korrupsion, bashkë më qytetarët e Drenasit e për Drenasin, jo përmes bedelëve dhe pushtetit të ndërmjetëm. Subjekti i ri quhet: PËR DRENASIN KAMPION ME RAMIZ LLADROVCIN PDKRLI”, shkruan Lladrovci.

Lladrovci fton të gjithë qytetarët dhe simpatizantët që e duan Drenasin me një qeverisje të pastër dhe të përgjegjshme, të bashkohen dhe mbështesin këtë iniciativë.

“Ftojmë të na bashkohen të gjithë ata që e duan Drenasin me qeverisjen e shkëlqyer, qeverisjen e pandikuar nga faktorët jashtëligjorë dhe jashtë komunës së Drenasit, ta përkrahin subjektin e ri garues në zgjedhje lokale, duke dëshmuar se qytetari i Komunës së Drenasit nuk meriton këtë trajtim, ka aftësi kritike dhe vepron sipas bindjes së vet dhe nuk lejon të keqpërdoret besnikëria e deritanishme për interesa tjera që më së paku e nderojnë qytetarin e Drenasit. Bashkë, vazhdojmë, +4. PDKRLl”.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!