Lëvizja Vetëvendosje në një konferencë për medie kanë thënë se Qeveria e Kosovës ka humbur sot debatin përball ekspertëve kundërshtues dhe se nesër kanë ftuar qytetarët që të dalin në protestë.

Këtë ftesë e ka bërë Dardan Sejdiu, nënkryetar i Vetëvendosjes.

“Ftojmë qytetarët e aktivistët, që nesër në orën 10:00 të mblidhemi para Kuvendit. Është momenti vendimtar që ta mbrojmë Republikën tonë, nga këta kriminelë e zaptues. Demarkacioni nuk do të kalojë. Qeveria e Kosovës po e provokon situatën. Nëse nuk tërhiqet Qeveria, gjendja do të dalë jashtë kontrollit dhe rezistenca do të jetë edhe më e ashpër se kurdoherë”, ka thënë Sejdiu

Ndërsa Glauk Konjufca ka thënë se argumentet e ekspertëve kanë qenë të fuqishme dhe kanë treguar se si ka dështuar Komisioni Shtetëror për Demarkacionin me Malin e Zi.

“Qeveria e ka humbur sot debatin, ndihemi më të fortë dhe mendojmë se kemi edhe një legjitimitet edhe më të madh, ata frikësohen të pranojnë gabimin, do ta mbrojmë pakompromis”, ka thënë Konjufca./Insajderi.com

IN Promo Marketing

 Eksperienca e blerjeve online arrin në Slloveni!

Rezervo sot dhe shijo fluturimet më të volitshme nga Gjeneva drejt Prishtinës

Furnizohu sot, dhuro shpresë nesër