Publicisti Faton Abdullahu, do të ketë shumë punë me gazetarë pasi nga e hëna e 11 prillit ka marrë detyrën e zëdhënësit të Qeverisë së Kosovës, por në postimet e shumta që ka në profilin e tij në Facebook, ka dhënë shumë cilësime për mediat e gazetarët.

Në shumë postime të mëhershme ai gazetarët i ka quajtur gazetarët të pamoralshëm duke i krahasuar edhe me valltaret dhe këngëtaret Kallashi dhe Shkëndije Muja ndërsa analistët politik i ka quajtur prostituta.

“Më shumë ka moral e ndershmëri në punën që bënë Kallashi e Shkëndije Mujaj se në punën që bëjnë disa gazetarë e media në Kosovë”, kishte shkruar ai në një postim me 18 Janar.

Ndërsa në një postim të 1 qershorit 2015, ai kishte quajtur analistët politik “prostituat e fjalës”.

“Një numër jo i vogël i analistëve politik te ne me fjalët e tyre bëjnë të njejtën që bëjnë prostitutat me trupin. Klientela ju dallon – shpërblimi është i njëjtë”, ka shkruar Abdullahu.

Ai në Facebook është i njohur për statuset e tij duke shkruar për gati secilën ngjarje dhe fenomen në Kosovë.

Në një postim tjetër të vitit 2015 ai e kishte cilësuar portalin Express si portal “pornografik” dhe “ekstremist”.

IN Promo Marketing

KESCO prezanton oferta të reja për bizneset në tregun e hapur

Numërimi i ditëve ka filluar – më 3 Tetor zbulohet fituesi i madh

Meridian Express për ditëlindjen e 13-të, dhuron 10,000 € për kampanjën “Biblioteka e Fëmijëve në Pallatin e Rinisë”