Presidenti ukrainas Volodymyr Zelensky dha një intervistë për emisionin kult 60 Minutes të CBS News. Në të, ai tha se “Ukraina po mbron të drejtën e jetës”, përcjellë Demokracia.com.

“Unë nuk mendoja se kjo e drejtë ishte kaq e shtrenjtë. Këto janë vlera njerëzore. Ne i mbrojmë ato në mënyrë që Rusia të mos vendosë se çfarë duhet të bëjmë dhe si t’i përdorim të drejtat tona”, tha Zelensky.

Gazetari më pas e pyeti atë se çfarë pa në Bucha, një vend afër Kievit ku forcat ruse duket se kanë vrarë dhjetëra dhe ndoshta qindra civilë. “Vdekje. Vetëm vdekje”, tha Zelensky me lot në sy.