Një dentist ka zbuluar se djathi mund të ndihmojë në parandalimin e dëmtimit të dhëmbëve dhe në rritjen e shëndetit oral.

Në një epokë ku ushqimet ultra të përpunuara si ushqimet me sheqer dhe pijet acidike shpesh dominojnë dietat tona, ruajtja e shëndetit të mirë dentar mund të duket si një detyrë e frikshme, shkruan Express.co.uk.

Dr. Andrej Bozic një kirurg oral në Dentum, tha se djathi mund të jetë përgjigjja për parandalimin e prishjes së dhëmbëve.

Pse djathi është i mirë për shëndetin tuaj oral?

“Djathi është më shumë se thjesht një shtesë e shijshme në vaktin tuaj, ai është një aleat i fuqishëm për dhëmbët tuaj”, tha Dr Bozic.

Djathi ka disa veti që kontribuojnë për gojë më të shëndetshme, kryesisht duke rritur prodhimin e pështymës dhe duke ulur nivelin e pH-s, raporton Gloucestershire Live.

“Pështyma luan një rol vendimtar në ruajtjen e shëndetit oral. Ndihmon në larjen e grimcave të ushqimit, neutralizon acidet e prodhuara nga bakteret në gojë dhe siguron substanca që luftojnë sëmundjet në të gjithë gojën tuaj”.

Ngrënia e djathit stimulon prodhimin e pështymës, e cila është mbrojtja natyrale e gojës tuaj kundër prishjes së dhëmbëve dhe sëmundjeve të mishrave të dhëmbëve. Djathi gjithashtu ka një aftësi natyrale për të ulur nivelin e pH-s në gojën tuaj, duke krijuar një mjedis më pak të favorshëm për rritjen e baktereve të dëmshme.

“Kur konsumoni ushqime ose pije që janë të larta në karbohidrate ose sheqerna, bakteret në gojë i shpërbëjnë këto substanca dhe prodhojnë acid si një nënprodukt”, shtoi mjeku. “Ky acid mund të gërryejë smaltin e dhëmbëve, duke çuar në dëmtim të dhëmbit. Djathi ndihmon në neutralizimin e këtij acidi, duke mbrojtur dhëmbët tuaj nga prishja”.