Afrim Krasniqi, drejtor i Qendrës Kryesore të Mjekësisë Familjare në Malishevë, ka bërë thirrje që qytetarët që pickohen nga rriqrat të mos i heqin vetë ato. Ai ka thënë se gjatë tërheqjes joprofesionale ekziston mundësia e infektimit me gjakun e rriqrës që ka rrezik të jetë helmuese.

Në një intervistë për emisionin “SOT” në KTV, Krasniqi të martën ka bërë të ditur se gjendja me pickimin e rriqrave në Malishevë momentalisht është e qetë dhe nën kontroll. Ai ka thënë se nuk ka asnjë rast të dyshuar për ethe hemorragjike.

Krasniqi ka thënë se numri i regjistruar i qytetarëve që kanë kërkuar ndihmë për heqjen e rriqrave në këtë QKMF deri tash ka qenë 314. Asnjë rast s’ka përfunduar me hospitalizim.

Krasniqi ka thënë se në Malishevë mbulueshmëria e plotë me spërkatje nuk është bërë asnjëherë për shkak të buxhetit.

Ai ka bërë të ditur se rastet që bartin ethe hemorragjike vërehen tek dy-tre ditë pas pickimit.

“Këshilla ime është që në ambiente të hapura, të kenë kujdes të gjithë qytetarët. Vishni rroba të gjata e të kontrolloheni pas çdo kthimi në shtëpi. Kur të shohin që u janë ngjitur rriqra të mos krijojnë panik, por të shkojnë në QMF-në më të afërt”, ka thënë ai. Mos i tërhiqni vetë, por le ta bëjnë ekipet profesionale”.

Kruarja është një prej simptomave të para.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!