Deputetët e Kuvendit të Kosovës, të partisë së PDK’së dhe asaj të VV’së, janë paraqitur në seancë gjyqësore, lidhur me përleshjen që ndodhi vitin e kaluar në Kuvend.

Nga Vetëvendosja kanë marrë pjesë Besnik Bislimi, Hekuran Murati në cilësinë e dëshmitarit dhe Tea Blakaj, këshilltare e Albin Kurtit.

Ndërsa nga ana e PDK’së kanë marrë pjesë deputetët, Bekim Haxhiu, Hajdar Beqa dhe Mergim Lushtaku.

Kujtojmë se Kuvendi i Kosovës vitin e kaluar ishte shndërruar në një vend përleshjesh fizike, mes deputeteve të Partisë Demokratike të Kosovës (PDK) dhe anëtarëve të Qeverisë së Kosovës, që drejtohet nga Albin Kurti.