Tre persona janë zhdukur pasi përmbytjet përfshinë qytetin juglindor zviceran Misox në luginën alpine të Graubünden – i njohur gjithashtu si Grisons.

Një stuhi masive natën e së premtes bëri që lumenjtë të dilnin nga brigjet e tyre, duke përmbytur rrugët dhe duke shkaktuar evakuimin e disa dhjetëra banorëve.

Katër u raportuan fillimisht të zhdukur, por një grua u gjet nën gurë dhe u dërgua në spitalin e qytetit të Luganos. Ekipet e shpëtimit janë ende në kërkim të një çifti dhe një gruaje që mund të kenë qenë në shtëpitë e tyre kur ndodhi përmbytja, tha policia.

Më në perëndim, vendpushimi alpin i Zermatt është izoluar nga ujërat e përmbytjeve.

Pamjet nga qyteti treguan përmbytjet që shpërthyen nëpër rrugë të premten.

Shërbimi i motit i qeverisë zvicerane tha se 124 mm shi kishin rënë në zonë të premten – shumica e tyre gjatë një periudhe një orëshe.

“Ky përqendrim i shiut ndodh vetëm një herë në 30 vjet”, tha një zëdhënës i shërbimit, shkruan BBC, transmeton Gazeta Express.

Lidhjet e trenave midis Visp dhe Zermatt janë pezulluar dhe rruga midis Täsch dhe Zermatt është mbyllur, duke e lënë resortin plotësisht të paarritshëm.

Autoritetet ishin përgatitur për disa përmbytje, duke kufizuar hyrjen e publikut në brigjet e Rhône dhe lumenjtë e tij nga e premtja.