Tri ditë pas përmbytjeve vdekjeprurëse në Spanjë, forcat e urgjencës në rajonin e goditur rëndë Valencia ishin në gjendje të shpëtonin një grua të bllokuar brenda një makine.

Policia në komunën e Moncada ndau një video në platformën e mediave sociale X që tregon presidentin e mbrojtjes civile të Valencias, Martín Pérez, duke u dhënë punonjësve lajmin për shpëtimin e gruas mes duartrokitjeve, përcjell Telegrafi.

Gruaja thuhet se ka mbetur e bllokuar në automjet në komunën e Benetússer, në jug të qytetit të Valencias, për tri ditë së bashku me trupin e kunatës së saj, raportoi agjencia e lajmeve Europapress duke cituar gazetën lokale Las Provincias.

Punonjësit e shpëtimit e dëgjuan atë duke bërtitur ndërsa tërhiqnin makinat e ngecura në një tunel.

Gruaja është dërguar për ekzaminim mjekësor, por fillimisht nuk dihen detaje të tjera për gjendjen e saj.

Sipas të dhënave të fundit nga qeveria spanjolle, 211 persona humbën jetën nga stuhitë e forta të martën, shumica prej tyre në rajonin e Valencias.

Una mujer ha sido rescatada con vida tras pasar tres días atrapada en el interior de un coche que había quedado en el fondo de un paso subterráneo en Benetússer (Valencia).
"Si necesitan ayuda que la pidan".pic.twitter.com/9VMM0XRmWu

— Capitán Gral de los Tercios/Virrey de las Américas (@capTercio) November 2, 2024

🔵#Valencia Salvata una donna rimasta per 3 giorni intrappolata in auto in fondo a un sottopassaggio a Benetusser. I soccorritori hanno sentito le sue urla mentre stavano spostando i veicoli ammassati. Nel video la Guardia Civil al lavoro in garage e scantinati. pic.twitter.com/gklFlocNj7

— Rai Radio1 (@Radio1Rai) November 2, 2024