Në jug të Serbisë prej sot në mëngjes lumenjtë po dalnin ga shtratet e tyre. Fshatrat rreth Dolevcit janë të përmbytura, në komunën e Vlladiçin Hanit gjendja është alarmante pasi në disa fshatra janë vërshuar shtëpitë, rrugët dhe fushat.

Enti Hidro-Meterologjik i Serbisë ka paralajmëuar rritje të nivelit në të Moravës Jugore dhe Nishavës, të cilat gjatë 24 orëve të ardhshme mund të arrijnë nivelin e rrezikshme për dalje nga shtrati.

Shiu dhe bora që nuk janë ndalur qe katër ditët e fundit në zonën e Leskovcit natën e kaluar shkaktuan probleme të mëdha me vërshimet në një numër të madh të vendeve të populluara në territorin e qytetit të Leskovcit.

Situata më e vështirë është në Bunibrodin e Epërm dhe të Ulët, ku, sipas vendasve, lumi Tulovska kishte dalë nga shtrati. Në Bunibrodin e Ulët, një grua e moshuar u evakuua nga ndërtesa e saj e banimit. Në këto fshatra, një numër i madh i oborreve dhe bodrumeve janë nën ujë, i cili në disa vende arrin nivelin deri në një metër.

Rrugët për në Vllasotincë dhe Gërdellicë gjithashtu janë të vërshuara, kështu që policia i mbylli ato në dalje të qytetit.

Si masë parandaluese, energjia elektrike është ndalur në këto vende./Insajderi.org.