Përplasja e tyre nuk filloi dje. Ata edhe në vitin 2022 kishin një përplasje të tillë.

Në dhjetor të vitit 2022 ministri i bujqësisë, Faton Peci, gjersa po shijonte kafen dhe bisedën me një mik në njërën nga lokalet e vendit, diçka e pahijshme ndodhi. Në videon që ishte publikuar në atë kohë shihet se një vajzë e vogël e komunitetit RAE, po qëndronte tek tavolina e ministrit Peci dhe shokit të tij. Në pamje shihet se, asnjëri nga ta nuk po i kushtonte vëmendje vajzës.

Por, një veprim i ulët erdhi nga kamarieri i kafenesë. Ai kapi vajzën me dhunë në krah dhe e largoi nga kafeneja.

E ky veprim nuk i bëri përshtypje fare ministrit.

Për këtë çështje pati reaguar edhe kryetari i AKR’së Behgjet Pacolli.

“Bravo Ministër Peci… duhet pasur ndjenjat e MINISTRIT për të mos reaguar përballë një situate ku një vajza e vogël që kërkonte lemoshë u hodh me dhunë nga lokali. Mjerë na!”, pati shkruar Pacolli.

Ndonëse u distancua nga ky rast, u kuptua qart se Pecit i kishte djegur postimi i Pacollit. Ministri e quajti Pacollin “politikan të Kremlinit”.

Rikthimi për ti gjuajtur disa njëri tjetrit u bë edhe gjatë vikendit.

Gjërsa ministri Peci po kritikohej për grantet që i ka ndarë për njerëz të afërt të tij, Pacolli e këshilloi atë.

Kryetari i AKR’së, ia ka dhënë një këshillë të vlefshme ministrit të Bujqësisë mbi reagimin me nervozizëm ndaj lajmit për dhënien e grantit prej 100 mijë eurove vëllait të deputetes Fitore Pacolli.

Pacolli me anë të një shkrimi në ‘Facebook’ e ka këshiluar ministrin Peci që të mos reagojë emocionalisht, nëse akuzat s’janë të vërteta.

Ai ka thënë se duhej të vepronte njësoj sikurse Pacolli kur ministri Peci e quante “agjent të Putinit dhe Vuçiqit”.

Pas kësaj kshille të Pacollit edhe një reagim ende më i rëndë i Pecit për të. Ai tha se e ka parë emrin e tij në dosjen e vrasjës së njërit prej heronjve më të shquar të historisë së Kosovës.

Për më shumë detaje ndiqni videon në vazhdim: