Prokuroria Speciale e Kosovës në bashkëpunim me Policinë e Kosovës janë duke kryer bastisje në katër lokacione. Tek Ministria e Bujqësisë, Agjencia për Zhvillim Bujqësor, Agjencia e Ushqimit dhe Veterinarisë dhe tek lokacioni i kompanisë fituese të tenderit për përpunimin e mbetjeve shtazore, shkruan Insajderi.

Prokurori i Prokurorisë Speciale, Admir Shala ka dhënë detaje lidhur me bastisjen që ndërlidhet me dyshimet për tenderin për ndërtimin e fabrikës për mbetjet shtazore.

Ai ka thënë se hetimet janë duke u zhvilluar mbi dyshimet për dhënie me qera të fabrikës  për përpunimin e mbetjeve shtazore.

Ai bëri të ditur se përpos Ministrisë së Bujqësisë, bastisjet janë duke u zhvilluar edhe tek Agjencia për Zhvillim Bujqësor, Agjencia e Veterinarisë dhe Ushqimit dhe tek lokacionet e kompanisë fituese.

“Hetimi është duke u zhvilluar me dhënien me qera të fabrikës për përpunimin e mbetjeve shtazore. Jemi duke i zhvilluar hetimet me qellim të marrjes së informacioneve konkrete për zbardhjen e rastit. Jemi në fazën e hetimeve dhe nuk mund të jep më shumë detaje. Janë duke u bastisur Ministria e Bujqësisë, Agjencia për Zhvillim Bujqësor, Agjencia e Ushqimit dhe Veterinarisë dhe tek lokacioni i kompanisë fituese të tenderit” tha prokurori.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!