Është përuruar Shtëpia-Shtab e Ushtrisë Çlirimtare të Kosovës në Halabak të Podujevës.

Ky objekt do të ketë për qëllim kujtimin e sakrificës së ushtarëve të UÇK’së në këtë zonë.

Pjesëmarrës ishte dhe kreu i këtij qyteti, Shpejtim Bulliqi.

“U rikthyen kujtimet dhe krenaria për sakrificën e ushtarëve të UÇK-së në këtë zonë. Ky vend, që dikur ishte strehë e ushtarëve që luftonin për lirinë e vendit, sot është restauruar dhe kthyer në një simbol të qëndresës dhe kontributit për lirinë e Kosovës”, ka shkruar Bulliqi në rrjetin social, facebook.