Drejtori i të ashtuquajturës zyre serbe për Kosovën, Petar Petkoviq ka pretenduar se zbatimi i marrëveshjes së Brukselit për përdorimin e letrave ngjitëse po funksionon pa probleme.

Petkoviq gjithashtu ka pretendusr se “janë marrë vesh që raundi tjetër i dialogut të fillojë me temën e Asociacionit të Komunave Serbe, i cili ka pritur për më shumë se 3.000 ditë”, dhe kur u pyet kur do të mbahet raundi tjetër, ai tha se “Beogradi pret një ftesë nga BE”, transmeton agjencia serbe e lajmeve Tanjug.

“Ne do të bëjmë gjithçka që marrëveshja të funksionojë siç duhet, të kemi lirinë e lëvizjes dhe këtë e presim edhe nga Prishtina, në mënyrë që të kemi një qarkullim të lirë të mallrave, njerëzve dhe shërbimeve”, ka thënë Petkoviq. Ai ka pretenduar se letrat ngjitëse janë një zgjidhje e përkohshme dhe se kryeministri i Kosovës, Albin Kurti, nuk mund të flasë për asnjë epokë reciprociteti, sepse në fakt bëhet fjalë për zbatimin e marrëveshjes”./Insajderi.org.