Ish-bashkëpartiaku i Kurtit, Haki Abazi, ka reaguar lidhur me vendimin për pezullimin e aktivitetit për projektin e Kullave të Jasharëve në Prekaz.

Abazi, me anë të një postimi në ‘Facebook’ është shprehur i habitur se si i është lënë zëvendës-drejtorit itë Prokurimit në Ministrinë e Kulturës çështja e restaurimit të Kullave të Jasharëve, shkruan Gazeta Insajderi.

“Zëvendës Drejtori i Prokurimit në Ministri merret me projektin më të rëndësishëm në Kosovë- Kullat e Jasharëve! Pas gati katër vite as edhe projekti parë nuk është kryer tani edhe kjo fazë qenka pezulluar me një arsyetim krejt banal”, ka deklaruar ai.

“Cila punë madhore është kryer, me llafe dhe rrena e me sulme në facebook, nuk kryhet asnjë punë”, ka shkruar Abazi. /Insajderi.org/