Drejtoria e Përgjithshme Detare në Shqipëri ka njoftuar se për shkak të kushteve të motit, tragetet e udhëtarëve drejt Barit dhe anasjelltas të planifikuar për këtë të martë, do të spostohen për në orën 07:00 të mëngjesit të ditës së nesërme.
Bëhet me dije se ky vendim është i vlefshëm vetëm për udhëtimet e planifikuara për ditën e sotme, ndërkohë që për ditët në vijim Drejtoria Detare pritet të njoftojë qytetarët me një komunikatë të dytë, shkruan Euronews Albania.
“Drejtoria e Përgjithshme Detare ju njofton se në bazë të komunikimeve të Kapitenerisë së Portit Durrës me Kapitenerinë e Portit të Barit, si rezultat i përkeqësimit të kushteve atmosferike në zonën detare të Barit si edhe nga konfirimi i agjensive detare, ne datën 10.01.2023 tragetet e linjës Durrës-Bari-Durrës nuk do të nisen nga portet respektive në orarin e zakonshëm por do të nisen rreth orës 7:00 të mengjesit të datës 11.01.2023″.
Sipas njoftimit kompanitë e lundrimeve do tē respektojnë gjithë detyrimet që lindin nga anullimi i lundrimit dhe për çdo ndryshim të situatës do të njoftohen.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
