Një grua është plagosur në këmbë si pasojë e të shtënave me armë zjarri në drejtim të një lokal nate në Topliçan të Suharekës.

Lajmin për Gazetën Insajderi e ka konfirmuar zëdhënësi i Policisë së Kosovës për rajonin e Prizrenit, Shaqir Bytyqi, ai tha se lidhur me rastin janë arrestuar tre persona të dyshuar.

Si pasojë e të shtënave janë thyer xhamat dhe kanë pësuar lëndime të lehta trupore edhe 6 persona të tjera.

“Të dyshuarit janë larguarnga vendi I ngjarjes menjëherë. Patrulla policore sapo e ka marr  informatën ka shkuar në vend ngjarje e më pas atyre iu janë bashkangjit  të gjitha njësit përgjegjëse si dhe eprorët e Stacionit dhe eprorët Rajonal të policisë”.

Dy të dyshuar meshkuj ,  (Ç.S. 22 vjeç dhe A.A. 23 vjeç )  nga Suhareka pasi që janë intervistuar me urdhër të prokuroit kujdestar janë ndaluar për 48 orë, ndërsa I dyshuari I tretë (mashkull A.D. 18 vjeç) është liruar me procedurë të rregullt.

Gjithashtu  është gjetur dhe sekuestruar edhe arma që dyshohet se është përdor për kryerjen e veprës.