Një plagosje me armë zjarri ka ndodhur sot në Fushë Kosovë rreth orës 14:00.
Personi i plagosur është dërguar për tretman mjekësor. Policia në anën tjetër ka identifikuar personin e dyshuar dhe po e kërkon atë.
Për Insajderin lajmin e ka konfirmuar zëdhënësja e policisë, Flora Ahmeti.
Njoftimi i saj i plotë:
Sot rreth orës 14:00, policia ka marrë informacionin për një plagosje me arme zjarri në rrugën “Shefki Kuleta” në Fushë Kosovë.
Menjëherë pas marrjes së këtij informacioni në vendin e ngjarjes kanë dalë të gjitha njësitet e nevojshme policore.
Bazuar në të dhënat fillestare, në këtë rast një person është plagosur, dhe i njëti është dërguar për tretman mjekësor.
Lidhur me këtë rast është identifikuar personi i dyshuar i cili është në kërkim nga ana e policisë.
Aktualisht hetuesit policor kanë nisur një hetim për sqarimin e të gjitha rrethanave që lidhen me rastin .
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
