Një person është plagosur me armë zjarri të shtunën pasdite në lagjen “Mark Sopi” në Prishtinë, si pasojë e një sulmi nga dy persona ende të paidentifikuar. Rasti është cilësuar nga policia si “vrasje në tentativë”, ndërsa të dyshuarit janë në arrati.

Ngjarja ka ndodhur rreth orës 16:39 të datës 4 tetor 2025, sipas njoftimit zyrtar të Policisë së Kosovës.

“Dy persona të dyshuar, meshkuj kosovarë, në rrethana ende të paqarta, kanë plagosur me armë zjarri një mashkull kosovar. Viktima është dërguar në Qendrën Klinike Universitare të Kosovës (QKUK) për trajtim mjekësor”, thuhet në njoftim.

Nga vendi i ngjarjes, njësitë hetimore kanë sekuestruar dy gëzhoja dhe një fishek, të cilat do të përdoren si prova në hetim.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur