Policia e Kosovës ka njoftuar se si pasojë e një përleshjeje që ka ndodhur rreth orës 11:30 në lagjen Dardania në Prishtinë, një person është plagosur me thikë.

I plagosuri F. B, mashkull , 19 vjeç, si pasojë e plagëve që ka marrë është dërguar në QKUK për trajtim mjekësor.

Gjithashtu janë shkaktuar edhe dëme materiale, pasi është përdorur edhe një armë zjarri, nga e cila janë dëmtuar dy automjete që kanë qenë të parkuara në afërsi të vendit ku ka ndodhë incidenti.

Lidhur me këtë rast policia ka arrestuar dy të dyshuar, ndaj të cilëve është hapur rasti vrasje e rëndë në tentative dhe armëmbajtje pa leje. /Insajderi.com