Një 33 vjeçar ka mbetur i plagosur në orët e mbrëmjes në sheshin “Adem Jashari” në Skenderaj. Aty ku po festohej për rezultatin e zgjedhjeve.
I plagosuri ka kërkuar ndihmë mjekësore. I njëjti ndodhet jashtë rrezikut për jetë.
Rastin për Insajderin e ka konfirmuar zëdhënësi i Policisë, Avni Zahiti, i cili njoftoi se i njëjti është lënduar nga predhë.
“Rreth orës 20:45, është raportuar se në QKMF-Skenderaj, viktima mashkull i moshës 33 vjeçar, ka kërkuar tretman mjekësor si pasoj e lëndimit nga një predhë (plumbi), sipas autoriteteve mjekësore raportohet se gjendja e viktimës është jashtë rrezikut për jetë. Nga hetimet e para bëhet e ditur se lëndimi i viktimës ka ndodhur në sheshin “Adem Jashari” në Skenderaj”, ka thënë Zahiti për Insajderin.
Rasti sipas policisë është iniciuar dhe po hetohet si ‘Shkaktim i rrezikut të përgjithshëm”.
/Insajderi.org
Lexo edhe:
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
