Një dokument i ri diplomatik i hartuar nga presidenti amerikan Donald Trump, i përbërë nga 21 pika, synon t’i japë fund luftës dyvjeçare në Gaza. Sipas mediave izraelite dhe ndërkombëtare, plani është prezantuar para kryeministrit Benjamin Netanyahu dhe liderëve arabë, duke parashikuar një armëpushim të menjëhershëm dhe një administratë të përkohshme për territorin palestinez.

Nëse palët bien dakord, lufta ndalon menjëherë dhe forcat izraelite tërhiqen gradualisht nga Gaza. Brenda 48 orëve, pengjet e mbetura gjallë dhe trupat e viktimave do të kthehen te familjet e tyre, ndërsa Izraeli do të lirojë qindra të burgosur palestinezë, përfshirë mbi 1.000 persona të arrestuar pas tetorit 2023.

Një pikë kyçe e planit është përjashtimi i Hamasit nga pushteti. Anëtarëve të tij u ofrohet amnisti nëse heqin dorë nga dhuna, ndërsa atyre që zgjedhin largimin u garantohet kalim i sigurt.

Plani propozon një administratë tranzitore teknokratësh palestinezë, e mbështetur nga një strukturë ndërkombëtare e ngritur nga SHBA me partnerë arabë dhe europianë. Siguria në territor do të garantohet nga një Forcë Ndërkombëtare Stabilizimi, e cila do të trajnojë një polici vendore.

Dokumenti përfshin korridore humanitare dhe futjen e 600 kamionëve ndihma në ditë, të shpërndara nga OKB dhe organizata të pavarura. Gjithashtu parashikohet një fond rindërtimi me një buxhet fillestar prej 90 milionë dollarësh në vitin e parë, duke synuar krijimin e zonave ekonomike dhe vendeve të reja të punës.

Megjithëse plani shihet si ambicioz, mungon një afat i qartë për kalimin e kontrollit tek Autoriteti Palestinez, i cili është kundërshtuar nga Izraeli. Nga ana tjetër, Hamasi thotë se nuk ka marrë asnjë propozim zyrtar, ndërsa Netanyahu ka shprehur miratim “në parim”, por me rezervat e zakonshme.

Plani është prezantuar edhe gjatë Asamblesë së Përgjithshme të OKB-së në Nju Jork, ku vendet si Egjipti, Katari, Arabia Saudite dhe Turqia e kanë dëgjuar me kujdes. Megjithatë, mungesa e përfaqësimit palestinez dhe paqartësitë mbi zbatimin praktik mbeten pengesa kryesore për suksesin e tij.

IN Promo Marketing

Pijet Tona, Shija Juaj!

Udhëto nga Baseli drejt Prishtinës, përfitoni nga ofertat speciale!

Suksesi i radhës për ‘R & Rukolli Group’: Pijet e reja depërtojnë në tregun gjerman