Miliarderi Elon Musk njoftoi se po zhvillon një rival të Wikipedia-s përmes startup-it të tij të inteligjencës artificiale xAI, duke njoftuar planet për një platformë të quajtur Grokiipedia.

Musk, pronar i platformës së mediave sociale X, tha se shërbimi i ri do të jetë një “përmirësim i madh” në krahasim me enciklopedinë e themeluar online, hyrjet e së cilës krijohen dhe redaktohen nga vullnetarë.

Miliarderi e ka akuzuar prej kohësh Wikipedia-n për paragjykime politike, duke pretenduar se ajo pasqyron pikëpamje të krahut të majtë.

Vetë Musk është afruar gjithnjë e më shumë me pozicionet e krahut të djathtë.

David Sacks, një aleat i Musk-ut i emëruar së fundmi nga presidenti Donald Trump si komisioner i IA-së në administratën e tij, kritikoi përdorimin e përmbajtjes së Wikipedia-s për të trajnuar softuerin e IA-së, pak para njoftimit të Musk.

Emri Grokiipedia vjen nga chatbot-i Grok i xAI-së, të cilin Musk e përshkroi si “kërkues të së vërtetës në nivelin më të lartë”.

Grok, megjithatë, ka shkaktuar polemika në muajt e fundit pasi bëri deklarata antisemite, të cilat kompania e Musk ia atribuoi programimit të gabuar.

IN Promo Marketing

KESCO prezanton oferta të reja për bizneset në tregun e hapur

Numërimi i ditëve ka filluar – më 3 Tetor zbulohet fituesi i madh

Meridian Express për ditëlindjen e 13-të, dhuron 10,000 € për kampanjën “Biblioteka e Fëmijëve në Pallatin e Rinisë”