Janë publikuar detaje nga dosja e 16 vjeçarit nga Peja i cili ishte duke bërë planifikimin për vrasje të disa nxënësve, shokë të klasës së tij në një shkollë të Pejës.

Në dosjen e Prokurorisë Speciale të cilën e ka publikuar Kallxo.com thuhet se i mituri kishte bashkëpunuar me disa persona jashtë Kosovës duke planifikuar sulmin që disa muaj.

16-vjeçari i arrestuar të shtunën, po dyshohet për planifikim të veprave terroriste dhe veprave penale kundër rendit kushtetues.

I mituri sipas kërkesës së Prokurorisë Speciale planin e ekzekutimit pretendonte ta kryente në fund të këtij muaji.

Dosja flet edhe për prova të cilat inkriminojnë të miturin e që janë mbledhur në rrjete sociale.

Gjithashtu përmenden biseda dhe nxitje nga persona të tjerë që jetojnë jashtë Kosovës.

 Të gjitha këto janë zbuluar gjatë disa bisedave që i mituri dyshohet se ka kryer përmes rrjeteve sociale me disa persona të tjerë e të cilëve ua kishte treguar planin.

Prokuroria ka në dorë dëshmi të rrjeteve sociale të cilat dyshohet se i mituri i kishte postuar, siç janë armë, e më pas edhe një skicë me planin e kryerjes së vrasjeve te cilën e kishte ndarë me tashmë persona të tjerë që dyshohet se e nxitën të njëjtin.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur