Presidenti i Lille, Olivier Letang, ka konfirmuar se klubi do të kërkojë të shesë Edon Zhegrovën gjatë afatit kalimtar veror, për të mos e humbur falas kur t’i skadojë kontrata vitin e ardhshëm.
Zhegrova ka shprehur dëshirën për largim, ndërsa interesimi më i madh për të vjen nga Italia, ku Atalanta shihet si një nga pretendentët. Napoli ka tentuar më herët, por pa sukses.
Analiza e SciSports e rendit Newcastle si klubin më të përshtatshëm për 26-vjeçarin, me përputhshmëri 83%, duke e parë si alternativë më të lirë krahasuar me objektivat e tjerë të klubit anglez.
Zhegrova, i cili humbi gjysmën e dytë të sezonit për shkak të dëmtimit, regjistroi 8 gola dhe 2 asiste në 21 ndeshje.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
