Trajneri argjentinas Mauricio Pochettino është zyrtarizuar si trajneri i ri i kombëtares së futbollit të Shteteve të Bashkuara të Amerikës.

Lajmi është bërë i ditur përmes një postimi në rrjetin social X, nga sajti zyrtar i kombëtares amerikane.

Ai tregoi arsyen e kësaj zgjedhje nga ana e tij.

“Vendimi për të marrë përsipër kombëtaren amerikane nuk ishte vetëm për shkak të futbollit, por edhe për shkak të rrugës në të cilën është kjo përzgjedhje”.

“Energjia, pasioni dhe uria për të arritur diçka vërtet historike këtu më frymëzuan. Unë shoh një grup lojtarësh, të cilët janë plot talent dhe potencial, dhe së bashku do të ndërtojmë diçka të veçantë”, tha Pochettino.

Më parë argjentinasi ka bërë karrierë edhe tek Espanyol, Southampton, Tottenham, PSG dhe Chelsea gjatë karrierës së tij.