Një polic ka marre djegie të rënda dhe dy të tjerë janë lënduar gjatë përleshjeve në protestat e 1 Majit në Paris.

Protestuesit në Francë janë tërbuar gjatë ditës përderisa protestonin kundër kandidates për presidente, Marie Le Pen, shkruan The Sun.

Përleshjet kanë shpërthyer në qendër të Parisit gjatë një tubimi të mbajtur në Place de la Bastille, ku protestuesit thirrnin “Jashtë fashistët!”

Policia ka hedhur gaz lotsjellës mbi protestuesit në margjinat e një marshimi për Ditën e Punës në Paris.

Ndërsa së paku tre policë raportohet të jenë lënduar gjatë konfrontimit me protestuesit, ku në drejtim të tyre ishte hedhur koktej molotovi me ç’rast njërit prej policëve i janë shkaktuar djegie të rënda.

Protestuesit janë të tërbuar që Le Pen ka shkuar në raundin e dytë të zgjedhjeve presidenciale. Ajo do të jetë kokë më kokë në konkurrencë kundër favoritit Emmanuel Macron të dielën./Insajderi.com