Policia e Britanisë së Madhe beson se asnjëri nga kryerësit kryesorë të sulmin terrorist nuk është në arrati.

Ministrja e Brendshme e Britanisë, Amber Rudd, ka thënë se niveli i kërcënimit nuk është rritur për arsyeje se policia beson se i ka kapur të gjithë kryerësit kryesorë të sulmit të mbrëmshëm në Londër.

Niveli është ende i rëndë, që do të thotë se ka shumë mundësi të ndodhë ndonjë sulm.

Pas sulmit në Mançester niveli u ngrit përkohësisht në kritik, që do të thotë se ndodhia e ndonjë sulmi u pa si e pashmangshme.

“Nuk besojmë se ka elemente shtesë, prandaj J-TAC nuk e ka ngritur nivelin e kërcënimit,” ka thënë Rudd.

Në sulmin e së shtunës mbrëma u vranë shtatë persona dhe u plagosën 48 të tjerë. Po ashtu, në sulm u vranë edhe tre sulmuesit nga policia britanike.

Ky është sulmi i tretë terrorist brenda tre muajve që e trondit Britaninë e Madhe./Express/