Policia e Kosovës ka ndërmarrë një aksion së bashku me Doganën e Kosovës për luftimin e veprave penale që kanë të bëjnë me kontrabandimin me mallra.
Këtë e ka konfirmuar për Insajderin zëdhënësi i policisë, Daut Hoxha.
“Policia në bashkëpunim me Doganën e Kosovës është duke realizuar një operacion në funksion të identifikimit dhe luftimit të veprave penale, në veçanti kundër kontrabandimit me mallra dhe falsifikimit”, ka thënë Hoxha.
Ai ka thënë se operacioni po realizohet kryesisht në dy rajone – në Prishtinë dhe Gjilan.
Merret vesh se gjatë këtij aksioni është zbuluar një fabrikë e vogël e cila prodhon marka false të tekstilit.
Burimet e Insajderit brenda policisë bëjnë të ditur së në këto aksione priten edhe arrestime./Insajderi.com
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
