Pjesëtarët e Policisë së Kosovës pasditen e djeshme kanë ndaluar asfaltimin e rrugëve në vendbanimin Sunçana dolina.

Lajmin e ka konfirmuar për KoSSev zëvendëskomandanti i Policisë së Kosovës për rajonin e Veriut.

Ai ka thënë se me arsyetimin e tyre kanë konstatuar se kontraktori nuk ka leje pune dhe se për këtë është ndërprerë puna. Ai nuk ka dashur të japë detaje të tjera përveç se rasti është duke u hetuar lidhur me ligjshmërinë e punimeve të ndërtimit të rrugëve në këtë vendbanim.

Qiramarrësit e parë u zhvendosën në Sunčana dolina këtë vit, dhe kjo ishte në një numër të vogël të zënies së kapacitetit të vendbanimit, i cili është ende në ndërtim e sipër. Bëhet fjalë për familje me disa fëmijë, ose persona të cenueshëm social.

Është një vendbanim që prej vitesh po merr odium në opinionin kosovar. Vetëvendosje, edhe sa ishte në opozitë, praktikisht e shpalli tentativë për “kolonizimin e Kosovës nga Serbia, ndërsa ish-autoritetet e Kosovës theksuan se ishte e paligjshme”. Në ndërkohë, terminologjia u miratua edhe nga ish-qeveria e Kosovës.

Autoritetet kosovare kërkuan që komuna e Zveçanit të dorëzojë dokumentacionin për legalizimin e këtij projekti. Pasi komuna nuk iu përgjigj kërkesave të institucioneve dhe nuk përgatiti dokumentacionin, Ministria e Mjedisit dhe Planifikimit Hapësinor e Kosovës e paditi këtë komunë. Çështja është pezulluar ndërkohë, pasi është parashkruar.

“Lugina e Diellit” është projekt i Qeverisë së Republikës së Serbisë, ndërtimi i të cilit ishte paralajmëruar në mesin e vitit 2016 nga drejtori i Zyrës për Kosovë dhe Metohi, Marko Gjuriq. Ky projekt, siç ishte paralajmëruar në atë kohë, ishte paraparë të strehonte 1500 familje të kthyera dhe ishte paraparë të përfundonte brenda një viti e gjysmë. Afati u kalua dhe gjatë vizitës së tij në Kosovë, presidenti Aleksandar Vuçiq njoftoi në shtator 2018 se familjet e para do të vendosen në Vidovdan.