Policia e Kosovës ka dhënë detaje për tentim vrasjen në Deçan, duke thënë se një person ka shtënë me armë zjarri në drejtim të një personi tjetër.
Lajmin për Insajderin e ka konfirmuar zëdhënësi i policisë për rajonin e Pejës, Fadil Gashi i cili ka njoftuar se i dyshuari për këtë, i njohur për policinë është arratisur.
“Sot rreth orës 15:00, stacioni policor në Deçan është njoftuar se në rrugën “Dëshmorët e Kombit” ka të shtëna me armë zjarri”.
“Policia menjëherë ka dalur në vendin e ngjarjes, ka kuptuar se një person kishte shtënë me armë zjarri në drejtim të një personi tjetër. Nuk ka persona të lënduar, ndërkaq i dyshuari i cili është i njohur për policinë, është arratisur”, thuhet tutje në konfirmim.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
