Nga një atmosferë e jashtëzakonshme për 90 minuta, ka përfunduar me dhunë ndeshja e Ligës së Parë, mes Lirisë dhe Vëllaznimit.
Pas përfundimit të ndeshjes, disa tifozë prizrenas janë futur në fushën e stadiumit ”Përparim Thaqi”, dhe kanë sulmuar futbollistët e skuadrës gjakovare.
Lidhur me rastin, zëdhënësi i policisë për rajonin e Prizrenit, Shaqir Bytyqi, tha për Insajderin se dy persona kanë mbetur të lënduar pas këtij rasti.
“Dy persona janë lënduar, policia ka iniciuar rastin si lëndim i lehtë trupor, dhe është duke punuar për të identifikuar personat e tjerë të përfshirë në rast”, tha Bytyqi për Insajderin.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
