Një operacion i hershëm i Policisë Kufitare ka çuar në zbulimin e një tentative të pazakontë kontrabande në fshatin Dumnicë të Podujevës, afër kufirit me Serbinë.
Ngjarja ka ndodhur më 8 gusht 2025, rreth orës 08:00 të mëngjesit, ku patrullat kanë ndaluar një traktor me rimorkio dhe një veturë.
Brenda tyre janë gjetur 810 pula të gjalla dhe pesë dhi – të gjitha të destinuara për kontrabandë.
Dy persona, të dy shtetas të Kosovës, janë arrestuar në vendngjarje. Ata janë marrë në pyetje dhe më pas janë liruar, por procedurat ligjore po vazhdojnë.
Autoritetet kanë njoftuar se ndaj tyre po hetohen dy vepra penale: “kalim i paautorizuar i vijës kufitare” dhe “kontrabandë me mallra”.
Policia ka vepruar në kuadër të Planit Operativ të quajtur “Parandalimi 2025”, i cili ka për qëllim ndalimin e kalimeve të paligjshme dhe tregtisë ilegale në zonën kufitare.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
