Policia e Kosovës ka konfiskuar sot dy armë dhe substancë të dyshuar narkotike në Pejë, dhe ka arrestuar dy persona.

Siç njofton Policia, konfiskimi i armëve dhe substancës së dyshuar narkotike është bërë gjatë kontrollimit të një veture të tipit “Skoda”.

“Njoftoheni se gjatë një pike të kontrollit në rr.”Agim Qelaj” në Pejë, zyrtaret policor kanë ndaluar veturën ‘Skoda’ me targa vendore dhe gjatë kontrollit të veturës në një pako të cigareve është gjetur substancë e dyshuar narkotike, ndërsa nën timon të këtij automjeti është gjetur një armë e tipit ‘EKON Tuna’ e kalibrit 8 mm, një karikator dhe tre fishek te kalibrit 6.35mm. Po ashtu gjatë kontrollit në një çantë krahu është gjetur edhe një armë e tipit ‘Ekol Tuna’, e kalibri 8 mm më një karikator të zbraztë”, njofton Policia e Kosovës

Armët dhe substanca e dyshuar janë konfiskuar, të dyshimtit janë arrestuar, pas intervistimit në konsultim me prokurorin e shtetit dy të dyshuarve iu është caktuar masa e ndalimit policor. /Insajderi.com