Policia ndërprejnë garat ilegale në autostradën “Ibrahim Rugova”, ngasësit me shpejtësi marramendëse – Insajderi
×
  • Lajme
  • Lajme

    Policia ndërprejnë garat ilegale në autostradën “Ibrahim Rugova”, ngasësit me shpejtësi marramendëse

    Insajderi
    27 December 2023 - 15:19
    Klikoni Këtu për t'u bërë pjesë e kanalit të Insajderit në Youtube.

    Policia e Kosovës ka gjobitur dy shoferë me nga 300 euro dhe me ndalim të mjetit me veprim motorik, pas garave të shpejtësisë në autostradën “Ibrahim Rugova”.

    Në njoftimin e policisë thuhet se të dyshuarit po vozisnin me shpejtësi prej 225 kilometra në orë dhe 230 kilometra në orë.

    Shpejtësia kaq e madhe përshkohej në kilometrin e 10-të të autostradës, ku kufizim i shpejtësisë është 100 kilometra në orë.

    PK-ja ka njoftuar se për këtë është duke zhvilluar plan operativ.

    “Me datën 26.12.2023 Njësia për Kontroll të Autostradave në kuadër të Planit Operativ ”Parandalimi i Garave të Shpejtësisë” ka arritur që të parandaloj garat e shpejtësisë me automjete në kilometrin e 10-të të autostradës “Dr. Ibrahim Rugova”, njësitë policore kanë hasur në dy automjete duke zhvilluar shpejtësi prej 225 km/h dhe 230 km/h në zonën ku kufizimi i shpejtësisë është 100 km/h, ku të njëjtit janë gjobitur me nga 300€ dhe 3 muaj iu është ndaluar drejtimi i mjetit me veprim motorik”, thuhet në njoftimin e PK-së. /Insajderi.org/


    OP-ED
    Nga Rubrika
    x

    © 2016-2025 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark