Policia ka njoftuar se janë arrestuar 15 persona në Mitrovicë pasi po planifikonin përleshje fizike mes dy grupeve, shkruan Insajderi.

Sipas njoftimit zyrtar, njësitet policore të Stacionit Jug kanë vepruar me efikasitet pas pranimit të informatave operative për një konflikt të mundshëm. Policia ka identifikuar dhe lokalizuar dy grupet në dy lokacione të ndryshme, duke arritur të vendosë situatën nën kontroll para se të ndodhte përleshja.

Të dyshuarit janë shoqëruar në stacionin policor dhe po intervistohen në prani të prindërve dhe përfaqësuesve të Qendrës për Punë Sociale. Hetimet janë duke vazhduar në bashkëpunim të ngushtë me Prokurorin e Shtetit.

Policia e Kosovës ka falënderuar qytetarët për bashkëpunimin dhe ka ritheksuar përkushtimin për ruajtjen e rendit dhe sigurisë publike.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!