Policia e Kosovës ka raportuar për vdekjen e një gruaje në vendin e punës në Mitrovicën e Veriut.
Ngjarja ka ndodhur mbrëmë.
Gruaja është gjetur në një furrë buke. Policia ka njoftuar se ka nisur hetimet lidhur me vdekjen e saj.

Me vendim të prokurorit, trupi i pa jetë është dërguar në IML për obduksion.

“Mitrovicë Veri 01.05.2024-13:15. Ankuesi mashkull kosovar, ka informuar se në një furrë buke ka hasur të shtrirë trupin e viktimës femër. Sipas mjekut, viktima është sjell pa shenja jete në spital. Viktima ishte punëtore e furrës. Me vendim të prokurorit, trupi i pa jetë është dërguar në IML për obduksion”, thuhet në njoftim.