Policia e Kosovës ka raportuar dy raste të ndara të sulmeve seksuale në raportin 24-orësh, njëri në Podujevë dhe tjetri në Lipjan.

Një grua në Podujevë e kishte raportuar rastin në polici për ngacmim seksual nga një burrë më 22 shtator, ndërsa i dyshuari është intervistuar më 3 tetor. Ai më pas është liruar në procedurë të rregullt.

Policia këtë rast e ka cilësuar si “sulm seksual dhe trajtim i pandërgjegjshëm mjekësor”, por për këtë të dytën nuk dha asnjë detaj.

Ndërkaq, një rast tjetër i sulmit seksual ka ndodhur në Lipjan ku dyshohet se një i mitur a sulmuar seksualisht një vajzë po ashtu të mitur.

Raportet nga policia:

SULM SEKSUAL & TRAJTIM I PANDËRGJEGJSHËM MJEKËSOR

Podujevë 22.09.2025-12:45. Viktima femër kosovare, kishte raportuar se ishte ngacmuar seksualisht nga i dyshuari mashkull kosovar. Më 03.10.2025 është intervistuar i dyshuari dhe i njëjti me vendim të prokurorit është liruar në procedurë të rregullt

SULM SEKSUAL

Lipjan 30.09.2025-NN. Ankuesi mashkull kosovar, ka raportuar se vajza e tij e mitur, dyshohet se është sulmuar seksualisht nga i dyshuari mashkull kosovar, po ashtu i mitur. Lidhur me rastin është njoftuar prokurori. Rasti nën hetime.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur