Një granatë dore është hedhur në objektin e hotelit “Sasha” të cilin ka kohë që po e shfrytëzon Qeveria e Kosovës si objekt zyrtar.

Besim Hoti nga Policia e Kosovës në Mitrovicën e Veriut i ka thënë Insajderit, se grana është hedhur pranë objektit të hotelit, që është objekt i Qeverisë së Kosovës.

“Nuk ka të lënduar por si pasojë e shpërthimit janë dëmtuar xhamat e objektit”, ka thënë Hoti.

Sipas tij, Policia dhe njësitë e saja të specializuara janë në vendin e ngjarjes dhe po bëjnë ekzaminimet e duhura.

Ky është sulmi i dytë brenda dy javëve në këtë objekt. Granata e parë e hedhur para dy jave nuk kishte shpërthyer.

“Autorët e sulmit janë ende të panjohur për Policinë”, ka thënë Hoti.

Sipas tij, sulmi ka prapavijë politike sepse është sulmuar një objekt qeveritar në Republikën e Kosovës./Insajderi.com