Festa e Vitit të Ri në Kosovë ka kaluar pa incidente të rënda. Këtë e ka bërë të ditur edhe zëdhënësi i Policisë së Kosovës, Daut Hoxha, i cili tha se çdo gjë ka shkuar në rregull gjatë natës së ndërrimit të viteve.

“Bazuar në informacionet e deri tanishme festa e Vitit të Ri, respektivisht ndërrimi i viteve ka kaluar mirë, pa ndonjë incident serioz”, tha ai për Klan Kosovën.

Nga përdorimi i fishekzjarreve disa persona kanë kërkuar ndihmë mjeksore në QKUK, por nuk raportohet ende për lëndime serioze.

Gjithashtu si rezultat i përdorimit të fishekzjarreve janë raportuar edhe disa raste zjarrvënie ku përveç dëmeve materiale nuk ka pasur lëndime në njerëz”, ka shtuar zëdhënësi i policisë, Daut Hoxha.